O Cebreiro é un pequeno poblado de apenas oito casas, pertencente ó concello de Pedrafita, da provincia de Lugo. Situado na parte oriental da provincia é a porta de acceso e acollida dos peregrinos que teñen o primeiro contacto con Galicia. É unha rexión montañosa con fermosas vistas panorámicas; dende os cumes do Cebreiro pódense contemplar a un lado os picos da Serra dos Ancares e ó outro a áspera terra de Capeloso e Courel.

    A altitude media da comarca ronda os 1000 m., sendo a máxima cota o monte Chao da Poza, con 1402 m. E, en canto a cursos fluviais, únicamente merece a pena destacar o río Navia, que nace nesta serra. Os habitantes da zona viven entregados á agricultura (cultivo de centeno e pataca) e ó pastoreo. Son en total 327 habitantes en toda a parroquia, repartidos entre os pobos de Barxamaior, Cebreiro, Fonteferreira, Fontevedra, Foxos, Lagúa de Tablas, Moeda, y Penaseara.

     O motivo que fai que este poblado sexa mundialmente coñecido é o seu grande pasado histórico, relaccionado coas peregrinacións, posto que é un dos principáis puntos do Camiño Francés, como o amosa a sús aparición en tódalas guías de peregrinos, empezando polo famoso Códex Calixtinus da Idade Media. Esta guía do peregrino medieval sitúao como a undécima etapa de todo o percorrido, etapa que vai «de Villafranca a Triacastela, pasando polo porto do monte Cebreiro». E é precisamente por este mismo motivo polo que O Cebreiro volve a cobrar importancia na actualidade. Cada ano miles de peregrinos poñen especial interese en visitar este lugar, querendo dar forma a todo o que oíron ou leron da gran historia destas pedras.